NOOZUP

Download NOOZUP
App Store Play Store
กำจ่ม...บทกวีล้านนา
หมวด: Life

กำจ่ม...บทกวีล้านนา

  • 783
  • 2
  • 6
ชูชาติ ใจแก้ว

กำจ่ม...บทกวีล้านนา

เรือล่มในหนอง หนองบ่มีน้ำ จักพายถ่อจ้ำ ไถ่ค้ำบ่ไหว

อันเรื่องปากท้อง แห่งห้องหัวใจ๋ สามคาบแลงงาย หาไหนจักกุ้ม

บ้านนอกในเวียง รายเรียงจ่ายตุ้ม ราคาควบคุม ทั่วทิศ

 

ราคาเท่ากั๋น ข้าวสารหนึ่งลิตร ยังหวิดขาดหม้อ เพราะแพง 

บอกหื้อประหยัด กินผักต้มแก๋ง เมื่อเจ๊าลวดแลง น้ำแห้งเลี้ยงไส้

ท่านกินเงินเดือน เลือกจ่ายย่อมได้ ประหยัดเท่าใด ก็คุ้ม

 

ชาวบ้านหากิ๋น หนี้สินลุ้มๆ หาไหนบ่กุ้ม จ่ายเอง

บอกหื้อหมั่นค้า เหมือนฟ้าเต๊กเต๋ง กาดเงียบวังเวง คนไหลแอ่วห้าง

บอกหื้อปรับตั๋ว ขายครัวแต่งสร้าง ออนไลน์คือทาง รอดพ้น

 

เฮอะเหอนายเหย บ่เคยคิดค้น ส่งเสริมชาวบ้าน จริงจัง

สมัยเดี่ยวนี้ บ่มีความหวัง สับสนรุงรัง เปิ่งไผบ่ได้

นายทุนมันรวย กอบโกยลุ่มใต้ นั่งนอนสบาย ในคุ้ม

 

แม่ค้าแม่ขาย ผ้าลายนั่งตุ้ม บ่มีคนอุ้ม ดูแล

เกิดเป็นคนตุ๊กข์ เหมือนปลาติดแห ยิ่งว่างอแง ยิ่งแย่เนอเจ้า

เอ้อ..เขียนค่าวมา มีก่าเรื่องเส้า จิ่งขอบรรเทา ยอบยั้ง

 

ว่าไปหลาย กลัวกลายพลาดพลั้ง กลัวเปิ่นไล่ตั้ง จังเฮา

ขอไปเมา ใส่เหล้าสักก๊ง ขอวาดวางลง เท่านี้ เท่าอี้สู่กันฟังก่อนแลนายเหยฯ

14 มิ.ย.62

Related Content

Recommended by NoozUP

Apple Store Play Store